CIBO

Purpette ‘de Carnalivara – Polpette di Carnevale

 

Purpette ‘de Carnalivara

Ppe ‘re purpette serve: ‘na supprissata, ova, agliu, piatrusinu, piacurinu e parmiggianu; pane tuastu ammugliatu, sale.
Ppé ‘ru bbollitu: carne vaccina e carne ‘de puarcu, acciu e ‘na cipuddra.

polpette 2‘Mpastare bbuanu bbuanu intra ‘na coppa ‘a carne ‘da supprissata cacciata ‘de intra ‘u stintinu, ‘ccu ‘nu paru de ova, ‘u pane ammugliatu, ‘na purvirijata ‘de piacurinu e ‘nn’atra ‘de parmiggianu, piatrusinu e ‘nna pocu ‘de agliu pizzijatu e ‘ru sale; fhare supra ‘u parmu ‘da manu ‘e purpette tunne tunne e granniceddre (‘ccu ‘nnu mianzu chilu de carne ‘cce venanu cinquanta/sissanta purpette). Si ‘nun ‘ve truvati ‘na supprissata putiti usare ‘a carne macinata, menza vaccina e mmenza ‘de pùarcu, ‘mmiscata… ‘U ‘mpastu è ‘dde vinire ggiustu, nò ppistu e nnò muaddru muaddru…, riagulative ‘ccu ru pane ammugliatu e l’ova…

 

 Intantu priparare ‘u bollitu: intra ‘na cassarola commuda pìazzi ‘de carne vaccina
(‘u gammunciaddru, ecc…) e ‘de carne ‘e pùarcu; a mmenza cottura ammintaticce ‘na bella cima ‘de acciu e ‘nna cipuddruzza sana sana; quannu ‘a carne è ppronta, cacciatila intra ‘na coppa (pue ‘va manciati ppé ssicunnu, doppu ‘e purpette, si ‘ccià fhaciti!…), assieme all’acciu e a ‘ra cipuddra, e intra ‘u bbrodu ‘cce calati chjanu chjanu ‘e purpette: fhacitile cocere ‘na minzura cchjù o menu…

 

 

Quannu su ppronte…, quattru o cinque intra ‘u piattu ‘cce capanu…, ccu bbellu bbrodu…, ‘e spaccati a mmità ‘mu ‘se piglianu bbone bbone ‘du bbrodu e ‘ccu ‘nu cucchjaru ve l’ammuccati!

Grazie a Battista Folino per la ricetta
Foto di Battista Folino

 

Paola Stranges

Autore: Paola Stranges

Scrivo per www.italiani.it ed alcuni siti ad esso collegati, mi è sempre piaciuto scrivere fin da piccola . Per lavoro digito su portatile ma, per fermare i miei pensieri utilizzo la mia raccolta di quaderni, penne e articoli di cartoleria ai quali non posso rinunciare. Sono appassionata di cucina, amo viaggiare, fotografare, e guardare vecchi film, passerei ore a leggere poesie. Ho la fortuna di vivere su un’isola e nel tempo libero (poco), mi piace fare lunghe passeggiate rigorosamente vista mare

Purpette ‘de Carnalivara – Polpette di Carnevale ultima modifica: 2017-02-11T10:23:45+00:00 da Paola Stranges

Commenti

To Top